أحمد سليمان وحلم اللعب للزمالك
حط نفسك مكان أي لاعب في الأهلي أو لاعب مصري من اللي الأستاذ أحمد بيتكلم عنهم وهات لي سبب واحد يخليك هتتجنن علشان تروح الزمالك زي ماهو بيقول؟!
ماهو انت لو عاوز تروح علشان التاريخ والبطولات يبقا استحالة تروح الزمالك… الزمالك في الفترات الأخيرة بعد جدا عن منصات التتويج وبعد لما كان على الأقل بيضمن مركز ثاني أصبح الثاني حلم بعيد المنال بالنسبة له بعد وجود بيراميدز، اللي هو هتلاقيه مشرف كل سنة في الكونفدرالية وبيراميدز (مع فيوتشر) بينافسوا الأهلي على البطولات وشكرا
لو انت بتدور على الفلوس برضو مش هتروح الزمالك لأن الزمالك مفيهوش فلوس وكل اللعيبة اللي بتطلع من عنده بتشتكي النادي وفيه منهم اللي مات زي أجوجو ولسه له فلوس في الزمالك، وبعدين ماانت حتى لو مكنتش حابب تروح الأهلي فيه عندك بيراميدز وفيوتشر وزد ودول فلوسهم أحسن من الأهلي والزمالك، ده غير البنك الأهلي وسيراميكا ودي أندية فلوسها جاهزة ومحدش هيطلع عينك علشان مستحقات
لو انت بقا زمالكاوي فظيع وعاوز تروح الزمالك وتضحي بكل حاجة برضو هتفكر 𝟏𝟎𝟎𝟎 مرة قبل لما تاخد الخطوة دي لأن الزمالك أصلاً موقوف من القيد وهتخاف يحصل معاك اللي حصل السنة اللي فاتت مع ثلاثي الزمالك اللي النادي فشل في تقييدهم في انتقالات يناير وفضلوا قاعدين شهر في البيت قبل مايتم قيدهم يوم 𝟓𝟑 يناير وبعد مسرحية اقتحام مرتضى منصور لمقر إتحاد الكرة لما كان بيدور على أعضاء الإتحاد في الحمام
عزيزي أحمد سليمان :أنت بتخاطب مين بالظبط
ابو نضال واحد بس