محمد شبانة مدحت شلبي تعليقك غير مقبول و بلاش مزايدات
تعليقك في القناة السعودية غير مقبول و بلاش مزايدات مش عارف أيه دخل إمام عاشور واصابته في كلامك وهو كان من أبرز اللاعبين في أمم إفريقيا ومفيش مقارنة بينه وبين أي لاعب سعودي بما فيهم سالم الدوسري وهما الاثنين لاعبين مميزين
أوعى تفتكر ان تعليقك هيخليك محبوب في السعودية أو هما هيبقوا مبسوطين بكلامك كنت المفروض تكون خير سفير لبلدك لكن السخرية من لاعبي مصر لمجاملة طرف آخر مش مقبولة الأهلي نادي كبير وإمام عاشور لاعب كبير (شاء من شاء وأبى من أبى)
الأندية المصرية كبيرة واللي عاجبه على الرأس (اللي مش عاجبه يخبط دماغه في الحيطة) مكانه الأندية المصرية كبيرة رغما عن أي شخص
سخرية مدحت شلبي لن تمر مرور الكرام (أكسبهم وأخسرنا يا كابتن) أنا متأكد أنك لن تكسب الجمهور السعودي بهذه الطريقة
عايز تكسب حد مش على حساب البلد ولا لاعبي مصر ولا الفرق والمنتخبات المصرية ممكن تكسبهم وأخسرنا بس انت مبتكسبش حد كدا اللهم بلغت اللهم فأشهد، نقطة ومن أول السطر
