منتخب مصر بعدنا ولا مبعدناش
قبل أيام على انطلاق الكان بتطرح الشركة الراعية للكرة المصرية حملة إعلانات لدعم المنتخب المصري ومابين تأكيد الجمهور ونفي اللاعبين بينطرح السؤال… بعدنا ولا مبعدناش
بداية خلينا متفقين إن طول عمر الجمهور المصري بيشجع الأندية أكتر من تشجيعه للمنتخبات وأعتقد ده موجود في كل مكان في العالم.فريق النادي ده هو اللي بيشبعك كرة عكس المنتخب اللي بيتجمع كل كام شهر وبيلعب بطولة كل كام سنة وبعدين جو التنافس والإثارة ده موجود في النادي اللي عندك في بيتك وشغلك وشارعك مشجع للمنافس بتتكلموا سوا وبتعاندوا بعض عكس المنتخب اللي المنافس بالنسبة لك حد مش موجود في حياتك وده اللي يبرر حماس المغتربين للمنتخب أكتر من المقيمين في مصر.على فكرة كل ده ميمنعش تحمس الجمهور للمنتخب بدافع الوطنية وده اللي بنشوفه في البطولات المجمعة واللي بمجرد بدايتها بتتلاشى الانتماءات والكل بيبقا مع المنتخب
وبتشوف جماهير الأهلي بتطبل لزيزو وجماهير الزمالك بتطبل للشناوي وحتى اللي ملهمش في الكرة بيطبلوا للعيبة اللي شكلها حلو في المنتخب لكن بمجرد البطولة ماتنتهى كل الناس بترجع قواعدها سالمة وكل واحد بيشجع فريقه.على فكرة الكلام ده مش جديد وفي الفترة الذهبية للمنتخب انتهت الهدنة في 2008 بعد يوم واحد من تتويج مصر باللقب مع هروب عصام الحضري وفي 2010 الحرب قامت بين الجمهوريين بعد الفوز بالكأس بساعات في قضية محمد ناجي جدو متفهم كل ده بس بصراحة الفجوة زادت جدا بين الجمهور والمنتخب الفترة الأخيرة لدرجة
