تعادل بطعم الفوز للمنتخب المصري أمام نظيره الموزمبيقي
تعادل بطعم الفوز للمنتخب المصري أمام نظيره الموزمبيقي بهدفين لمثلهما في افتتاح مشاركة رفاق محمد صلاح في الكان
لو متفرجتش على الماتش صعب أصدق إن منتخب مصر اتعادل بمنتهى الصعوبة من ضربة جزاء في الدقيقة 𝟗𝟓 مع منتخب موزمبيق الغير موجود على خريطة الكرة
بداية ولا أروع بهدف في الدقيقة الثانية من المباراة وبعد كده المتتخب المصري بيختفي وهدفين للمنتخب الموزمبيقي في 𝟓 دقايق وتعادل دراماتيكي في الوقت الضايع
واحدة من أسوأ مباريات المنتخب المصري يتحملها كاملة المدرب البرتغالي روي فيتوريا
مفيش عقل يقول إني يكون عندي واحد من أفضل لاعبي العالم واروح مغير مركزه علشان مش عاوز اغير مركز زيزو أو اقعده على الدكة.
لا زيزو عمل حاجة في اليمين ولا صلاح عمل حاجة تحت رأس الحربة ولا الاتنين لما غيروا مكانهم عملوا حاجة ولا إمام عاشور لما نزل كان له شكل وتغييرات متأخرة لفيتوريا
هو النني قريب مين علشان يبقا أساسي في منتخب مصر وهو معندوش أبجديات كرة القدم؟
عاوزين نفتح باب الاحتراف يمكن في يوم من الأيام يطلع لنا لاعب كبير زي محمد صلاح بتاع ليفربول كده
ثنائية حجازي، محمد عبدالمنعم بتفكرني بثنائية عمرو الصفتي وأحمد غانم سلطان.. كرات عالية مفيش، تغطية عكسية متلاقيش، تفاهم وانسجام معطلكش وجولين من أخطاء ساذجة يشيل معاهم الشناوي في الجول الأول
عمر كمال ميقعدش احتياطي، لا لمحمد هاني ولا لمحمد حمدي
كويس جدا إن احنا تعادلنا علشان نعطل موزمبيق بس لازم فيتوريا يصلح أخطائه ويبطل تأليف علشان منكررش سيناريو منتخب مصر 𝟐𝟎𝟎𝟒 اللي هو سكواد عالمي وخروج من الدور الأول
