إبراهيم حسن محمد صلاح له قيمة كبيرة جداً
محمد صلاح له قيمة كبيرة جداً، هو وكل اللاعيبة، أنا وحسام في شغلنا واحد، مبنعرفش ندلع حد، كل شخص له قيمته، اللاعب اللي عمل تاريخ لازم يتقدر بس في نفس الوقت يشيل معانا و كل لاعب له احترامه وتقديره
مفيش مشكلة لحسام حسن مع محمد صلاح، البعض يريد اختلاق مشاكل.ومفيش بينا وبين أي لاعب مشاكل، ليه بتخلقوا مشاكل، معندناش مشكلة مع أي لاعب على رأسهم محمد صلاح، لكن في ناس عاوزين يدخلونا في مشاكل. محمد صلاح، نشيله فوق دماغنا من غير دلع، مبنعرفش نفرق بين حد، بنفرق في اللاعب اللي عنده شراسة وقوة في الملعب.
بإذن الله، لن يتواجد في منتخب مصر غير اللاعب اللي واقف على رجله واللي عايز واللي قلبه ميت مفيش مجال للدلع، انا مش هطبطب على أي لاعب، مش هيبقي في جدعنة ورجولة مش هتبقي معانا، الناس خلاص تعبت والجمهور تعب أن مستوي منتخب مصر يبقي بالصدفه.. احنا عاوزين يبقي لينا شكل ويبقي في 𝟏𝟏 راجل في الملعب و سيكون هناك تواصل مع جميع المحترفين خلال الفترة المقبلة.
رسالتي للجماهير، عاوز نبقي إيد واحدة وانا متأكد اننا هنبقي كدا، ورسالة للإعلام صفي النية وإهدوا شوية إحنا بنلعب بإسم مصر علشان المنتخب ينجح
