سوبر عاشور وإمام الموهوبين ننتظر منك المزيد
طول وقت المباراه عمال أدعي لإمام عاشور إنه يسجل هدف عشان يكلل مجهوده النهارده وآداؤه الأكتر من رائع والحمدلله ربنا إستجاب وكافئه مكافأه كبيره يستحقها إنه مش بس سجل لا ده سجل هدف الفوز والمباراة الوحيد .
والحقيقه أنا بعتبر مباراة النهارده هي الأفضل لإمام مع الأهلي منذ قدومه علي مستوي الجديه والإنضباط التكتيكي والمردود البدني .
أما علي المستوي الفني ورغم إن في مباريات سابقه تأثيره الفني كان فيها عالي جدا إلا إن مباراة النهارده بالنسبالي شهدت إبرازه لبعض قدراته المميزه زي إنها أكتر مباراه يجي فيها من تحت ومن أكتر المباريات اللي صوب فيها وكمان اللي إخترق فيها وعمل مراوغات ناجحه.
إمام مر الفتره اللي فاتت بمنحني صعود وهبوط في المستوي ومكنش لسه وصل للتوب فورم بتاعته ده غير إنه أحيانا كان بلغة الكوره كده بيدلع شويه لكن مباريات كاس العالم للأنديه ومباراة سيراميكا النهارده بيقولوا إن كيرڤ إمام طالع وإننا في إنتظار نسخة إمام الحقيقيه اللي بتفرقه عن جميع أقرانه .
سوبر عاشور .. إمام الموهوبين ننتظر منك المزيد
